Фризерски салон „Форум“

Објавено во Шпиц, број 99, 26.09.2006 , како реакција на мојот текст Дисконти за „реекспорт“
Изгледа дека сум погодил некој нерв, сепак.
А и добра илустрација како работи системот на заплашување на „непослушните“ во државава. После текстот, на „Форум Плус“ му беше најавена даночна инспекција. Кога прашале зошто, им одговориле дека е грешка - инспекцијата била за некој фризерски салон со име „Форум“ (sic!).


Нема неправилности во даноците кај компјутерџиите

Управата за јавни приходи тврди дека досега не забележала неправилности во плаќањето на даноците од големите компјутерски фирми, како што неодамна пишуваше „Шпиц“.
Претседателот на Комората за информатичко-комуникациски технологии, Ванчо Орданоски, во изјава за „Шпиц“ истакна дека дел од македонските информатички компании се обидува да манипулира со повратот на ДДВ со лажни документи за реекспорт. Тој обвини дека луѓе од бизнисот со компјутери изработуваат документи дека вршат извоз на стоката, но таа останува во нивните магацини, а назад добиваат од 18 отсто ДДВ.
- Ние нема да функционираме на база на кодошење. Тоа што конкуренцијата си прави нарачани теми и ги протнува во медиумите за да види дали ќе помине на пазарот, не е начин на кој работиме. Ние имаме посебна телефонска линија за пријавување неправилности, софтверот ни е поврзан и со НБРМ и со Царината и досега никаде немаме забележано неправилности - изјави вчера Горан Трајковски, директор на УЈП.
Според него, Управата ќе реагира само доколку бидат забележани нелогичности во пресметките што се прават на ниво на институции или, пак, Управата добие некои сознанија од своите контроли.
С.Н.